الشيخ : ومن تمام المخالفة للشريعة أنهم يسمّون هذه المعاملة بالمرابحة ، يا أخي أنت مالك شاري ولا بائع وين الربح الربح فقط مقابل هذا القرض هاللي درت عليه ما سلمتو ليدك وإنما سلمتو ليد البائع التاجر وأخذت من المشتري الزيادة مقابل القرض الحسن ، المسألة واضحة جدا ولا أدري لماذا الناس في غفلتهم ساهون ، ما في فرق بين نتصور نحنا الآن الصورة التالية أنا رجل غني وهذا رجل محتاج وهذا هو التاجر هاللي ببيع اشمينتو أو حديد أو سيارة أو براد تلاجة أو أي شيء بيجي بيقلّي اقرضني مائة دينار بقلّو أنا ليش ، والله بدي اشتري مثلا جهاز أو حديد أو هاللي هو أي روح أنت اشتري من عند صاحبنا هوني وأنا بدفع عنك إه جزاك الله خير أنا دفعت للتاجر مئة وأخذت منو مئة وعشرة هذا حلال أما إذا أعطيتو المئة وقلتلو روح اشتري أنت من عندو وادفعلو بإيدك وأخذت منو مئة وعشرة هذا حرام شو الفرق بين الصورتين يا جماعة ، ما في فرق إطلاقا ، دورة دورة ولفتة آه ، وهذا أمر وخيم جدا في الشرع لأنو هذا فعل اليهود بنص القرآن وبنص السنة الصحيحة عن الرسول عليه الصلاة والسلام .