السائل : السلام عليكم
الشيخ : وعليكم السلام
السائل : الشيخ ناصر ؟
الشيخ : نعم
السائل : كيف الحال ؟
الشيخ : الحمد لله
السائل : إن شاء الله بخير
الشيخ : الله يحفظك
السائل : بدي أسألك سؤال شيخ
الشيخ : تفضل
السائل : بالنسبة لحق اللحية
الشيخ : آه
السائل : أنا حلاق طبعا
الشيخ : الله يحفظك
السائل : الله يجزيك الخير
الشيخ : فبدي أسألك عن كيف حكم اللحية لما بحلق أنا بقدرش .. يعني
الشيخ : إنتي لحيتك موفرها ولا حالقها ؟
السائل : أنا ؟
الشيخ : ولا أنا ؟!
السائل : الحمد لله ، بسأل عن غيري يعني
الشيخ : لا عم إسألك إنتي
السائل : لا أنا الحمد لله مطلقها
الشيخ : إنتي مانك حالق لحيتك ؟
السائل : لا لا
الشيخ : طيب ، ليش مانك حالقها ؟
السائل : ...
الشيخ : ليش مانك حالق لحيتك ؟
السائل : الاحسن محكيش
الشيخ : هههه مو مفهوم سؤالي ؟
السائل : بتقلي إنتي مو حالق لحيتك ؟ قلتلك لأ ، بتقلي ليش مو حالقها
الشيخ : إي عم قلك ليش ما بتحلقها مادام حلاق ؟
السائل : آه ، إي للأمر
الشيخ : طيب هذا الأمر خاص بالنسبة الك ؟
السائل : نعم ؟
الشيخ : هذا الأمر موجه بس الك ولا لكل المسلمين ؟
السائل : لا طبعا ، والعلم عند الله لكل المسلمين
الشيخ : طيب وإنتي عم بتساعد المسلمين على تنفيذ الأمر ولا على مخالفة الأمر ؟
السائل : ما عم بفهم عليك
الشيخ : ليش ما عم تفهم عليي عم إحكي أنا بالألماني ؟!
السائل : نعم ؟
الشيخ : ليش ما عم تفهم عليي ؟!
السائل : ...
الشيخ : الأمر بإعفاء اللحية
السائل : آه
الشيخ : هو موجه إلك خاص ولا لكل مسلم ؟
السائل : لكل مسلم
الشيخ : طيب إنتي عم بتعين كل مسلم على الأمر تنفيذ الأمر ولا على مخالفة الأمر ؟ لما بتحلق لحى زباينك ؟
السائل : آه
الشيخ : عم اتساعدهم على تنفيذ الأمر ولا على مخالفة الأمر ؟
السائل : لا بساعدهم على عدم تنفيذ الأمر لأ
الشيخ : إي الله يهديك ، ما بيجوز يا أخي ما بيجوز ، كما إنو حرام عليك تحلق لنفسك
السائل : نعم
الشيخ : حرام عليك تحلق لأخوك المسلم
السائل : أحلق لحيته !
الشيخ : حرام عليك
السائل : يعني بيطولني إثم ؟
الشيخ : لكان !!!
السائل : الله يجزيك الخير يا شيخ
الشيخ : الله يحفظك