الشيخ : هذا بيزداد بأى الإنسان بيزداد شرا أما لما بيشعر إنه أبوه عم يعدل بينه وبين إخوته فممكن إنه هذا يحمله على شيء من الاستقامة ، إذا ما حمله على شيء من الاستقامة فعلى الأقل إنه ما بيحمله على الازدياد من الاعوجاج والاستمرار في الشر ، لذلك فلو أراد إنسان أن يهب للأولاد بعض أملاكه فيجب أن تكون الهبة متساوية حتى بين الذكور والإناث ، فلا يعطي الذكور مثلي الإناث ...
السائل : يعني ما يقسم نفس الميراث
الشيخ : أيوا
السائل : ...
الشيخ : اليوم عادة الناس ...

السائل : بمناسبة الهبة أبو عبد الرحمن لو مثلا الأب رأى حسن تصرف من ابنه فوهبه شيء من الأب يمكن باب تشجيعه على حسن الأخلاق مثلا ... واحد كذلك ثاني واحد مو مثل الثاني ، واحد متزوج ومالك بيت وسيارة تمام ، وشاب ثاني من الإخوة لا يملك شيء وقرّر إنه يساعده لبناء بيت للزواج كذا بحكم إنو هو يعني ضعيف
الشيخ : كيف ... هو ليس تمييزا وإنما مراعاة للحال
السائل : كيف ؟ بقول الشيخ في هذه الحالة
الشيخ : ...

السائل : ...
الشيخ : سألتك هل الشيوعيون يؤمنون بهذا الشيء ؟ يا بتقلي نعم يا بتقلي لا ، بعدين بتقلي والله في عندنا دليل إحنا بنعرفه هذا الكلام فالشيوعيون يؤمنون بهذا ؟
السائل : لا
الشيخ : طيب الآن بماذا يؤمن الشيوعيون عندك ، لأبين لك بأى الفرق بين إيمانهم هالي ما بيكلفهم شيء إلا التوجه إلى ناحية الدفاع عن الأرض
السائل : ... من ناحية اجتماعية ...
الشيخ : لأبين لك الفرق بين ما يؤمن به هؤلاء وبين ما يؤمن به هؤلاء ، وثمرة الفرق أن ما يؤمن به المسلمون يحتاج إلى جهاد من نوع لا يحتاجه الشيوعيون ، هذا الكلام واضح عندك ولا مش واضح ؟
السائل : واضح ...
الشيخ : واضح ، ماشي نحن الموضوع ماشيين بس ماشيين على طريقة تفاهم ووضع قواعد ومبادئ أساسية بيني وبينه ، يعني هلا بضرب لك مثال : لو رجل لا يؤمن بوجود الله مطلقا ، كويس ؟
السائل : نعم
الشيخ : إجا فتح معنا موضوع : إن الرسول قال يوحى إليه !! معقول ؟! ... ما في عنده غير هالمادة وهو لا يؤمن بخالق لهذا الكون فمن العبث إنه نبحث معه في مثل هالمسألة إلي طرحها أو في المعجزات أو في ما شابه ذلك من الأشياء إلي العقل ما بيقبلها ، فالمنطق بيلزمنا أنه لازم نبحث معه قبل كل شيء بالإيمان ، فإذا آمن ممكن ننزل لإيش ؟ خطوة ثانية لمسألة طرقها هو أو ثالثة ، أما إذا كان في أصل خالق الكون والمتصرف في هذا الكون ، والقادر على أن يفعل ما يشاء لا يؤمن ، شو فائدة البحث معه في الجزئيات ، في فائدة ؟!
السائل : لا لا
الشيخ : لذلك أنا الآن بلا تشبيه عم أتسلسل معك في الموضوع مش هربان عن الموضوع ، فأنا قصدي أبين لك خطأ قولك إنه الشيوعيون يعملون والمسلمون لا يعملون
السائل : بالنسبة لفلسطين بس
الشيخ : بالنسبة لفلسطين جاوبتك قبل كل شيء قولك بالنسبة لفلسطين فقط ، هذا ليس من الإسلام ، ولا أنت فاهم الإسلام غير هيك ؟
السائل : لا ... القضية الفلسطينية
الشيخ : لسا بيكرر لي هي ، حبيبي فاهم الموضوع عن فلسطين بس عم أقلك : حصرك للموضوع بفلسطين لا يفصل البلاد الإسلامية الأخرى عن الموضوع ليش ؟
السائل : ماهو أنا بسألك بفلسطين موجود الآن التفكير الموجود الان يعني ، ما بسألك مثلا عن المسلمين إنه والله ...
الشيخ : أيوا هون بيكمن الخطأ ، هون يكمن الخطأ

الشيخ : فنفسيتك الموجودة الآن هل هي نفسية مسلمة ؟ أم هل هي نفسية قومية فلسطينية وبس ؟!
السائل : مش مسلمة كاملة يعني بحيث إنه
الشيخ : هاه شايف هون ، شايف هون إنه البحث بعيد ، هاي النقطة يجب أن نقف عندها ، قولك : إنه ما هي نفسية مسلمة كاملة ، هون يكمن الخطأ ، لماذا أنت لا تبدأ تعالج النقص الذي أنت تعترف به الآن بقولك : إنه نفسيتي الآن ما هي نفسية مسلمة كاملة
السائل : الإسلام مبدأ وتشريع وعقيدة ويعني الإنسان بيمتصه شوية شوية مش، يعني ما بقدر أنا والله الحين أطلع من هان وأصير مسلم كامل
الشيخ : فكريا ما بتقدر تصير مسلم كامل ؟
السائل : فكريا ؟
الشيخ : آه
السائل : المسألة الفكرية بدها دراسة وبدها
الشيخ : ... جاوبني الله يهديك
السائل : نعم ؟
الشيخ : فكريا مثل واحد بدو يصلي ويصوم ويحج ووإلى آخره ؟! ولا هاي مسألة فكرية ؟! يعني هلا إذا بدك تؤمن بوجود الله مثلا : هي ما بدها جهاد وما بدها قتال ، ولا بدها بحوث ولا بدها كتب إلى آخره
السائل : إلي بدو جهاد اتخاذ المبدأ يعني وسيلة في الحياة
الشيخ : عم أحكيلك هلا عن الإيمان بالله
السائل : الإيمان يعني صناعة بتحدث في لحظة
الشيخ : إي هذا هو قصدي
السائل : نعم
الشيخ : فلذلك أنت عم تقول أنه الإسلام مش ممكن أخذه كلاً ، إنما بالتدرج كلمتك هاي ، كلمتك هاي لازم توريلنا بتفكيرك بإنه في إيمان وفي إسلام
السائل : نعم
الشيخ : الإيمان يتعلق بالقلب والإسلام يتعلق بالجوارح ، فأنت هلا مختلط عليك الإيمان بالإسلام ، فبتقول الإسلام لا يمكن الإنسان يصير مسلم دفعة وحدة
السائل : الشريعة
الشيخ : وأنا ، فاهم فاهم الشريعة ، الإسلام عم أقول لك من الناحية العملية ، شو هي الشريعة ؟ مو يعني الناحية العملية ؟
السائل : الناحية العملية في الحياة عامة
الشيخ : مو هي الناحية العملية ؟ أنت فهمت شو عم قلك الفرق بين الإسلام والإيمان ؟
السائل : نعم شو الفرق
الشيخ : الإسلام هي اللي عم تسميه أنت الشريعة ، وهي اللي عم تقول أنت مو ممكن إنسان هلا يسلم إذا مو بالتدرج ، وأنا عم أوافق معك على بياض حتى أثبت لك أن هذا الكلام
السائل : نعم
الشيخ : يا أخي أنت مختلط عليك الإيمان بالإسلام !! بحثنا الآن إيمان وليس إسلام ، يعني يجب على المسلم أن يكون إيمانه كاملا بأن يتعلق بالفكر ولا أن يتعلق بالعمل الجاد ، هاللي بيتعلق بالعمل الجاد هو الإسلام واللي أنت بتسميها شريعة ما بنختلف معك في الأسماء ، لكن الإيمان هو الفكر ، فيجب أن يكون فكرك مسلما خالصا ، يعني كما جاء في دين الإسلام ، فلو إنسان آمن بشيء وكفر بشيء هذا ليس مسلما ، لكن لو أنه كان مؤمنا حقا لكن عمل شيء من الشريعة الكاملة وترك شيء منه بيتم مسلم لكن إسلامه ناقص ، ظهر لك الفرق بين الإسلام والإيمان ؟
السائل : شوية

الشيخ : الآن نحن بحثنا معك إيماني فكري عقائدي ما هو بحث عملي ... فليش أنت الآن فيك نقص فكرا ليش بتفرّق بين فلسطين وبين ألبانيا بلدي مثلا ، هلا أنا رح أرجعك بكلمك بلغتي بلغتك أنت ، ليش أنت الآن بتبحث حول فلسطين ما بتبحث حول ألبانيا منطقة الشيوعيين ؟ هاي محتلة من اليهود وهاي محتلة من إيش ؟ من الشيوعيين ، ليش ما بتهتم ببلدي وبدك إياني أنا أهتم ببلدك ؟
السائل : لأنه فلسطين تتعلق بحياتي تتعلق بأمني تتعلق بداري
الشيخ : عم أقول لك عني الله يهديك شيخنا الحبيب عم احكي عني أنا
السائل : الفرق واضح
الشيخ : عم أقول لك ليش أنت بتهتم ببلدك وأنت مثل حكايتي مؤمن ما بتهتم ببلدي ، وأنا معك مؤمن ، ليش تهتم ببلدك وما بتهتم ببلدي وإيماننا واحد ؟
السائل : أنا برضه بهتم ببلدك
الشيخ : ببلدي تهتم
السائل : لا هي عواطف بتشد الواحد لأي دولة إسلامية
الشيخ : لا أبدا أنت جبت بزمانك طاري ألبانيا ؟ وفكرت إنه بيكون في حركة إسلامية بألبانيا ؟
السائل : والله هذا حالنا وكنا أولاد صغار كنا نطلع على الأطلس بيلونوا مثلا الدول الإسلامية بالأخضر والدول الثانية بالأصفر مشان نحارب اللون الأخضر ونصير نعد فيهن
الشيخ : إحنا كنا شوف شو صرنا يا حبيبي ، أنت هلا كلامك صريح بيضحي فقط بفلسطين وقبل أنا ذكرت لك سوريا وذكرت لك العراق
السائل : لأنه مطلوب مني موقف ، أنا بسألك يعني ومهتم
الطالب : مطلوب منه موقف
الشيخ : مطلوب منك موقف ليس في فلسطين بالنسبة بالنسبة للعالم الإسلامي كامل كله
السائل : بس أولويات برضه
الشيخ : أولويات مو من الناحية اللي أنت بتريدها ، أولويات من حيث مثلا : إنه هون أنت قريب لكن من حيث العقيدة فكرا
السائل : في ناحية ثانية برضه وهي بتستحق الأولوية : إنه أنا داري هناك وأرضي هناك وحقوقي كلها هناك
الشيخ : هذا مو سبب أخي هلا أنا بسألك سؤال
السائل : مش من الإسلام أني آخذ حقوقي ؟
الشيخ : هو هيك أنا عم قلك ؟ عم قلك إنه الإسلام بيمنعك إنه تحصّل حقوقك ؟ لا حول ولا قوة إلا بالله
السائل : مبدأ عن حقوق مثلا ما بتخلي المسألة هذه لها أولوية ؟

الشيخ : المهم أخي بنرجع لعندك هلا الشيوعيين يعملون بوازع استعماري ، لا تكون غافلا عن هذه الحقيقة ، الشيوعيين هلا في فلسطين يعملون في فلسطين أنت في ظنك ؟
السائل : مش ظاهرة
الطالب : من أجل نفس مبدأ الشيوعية
الشيخ : معلش شو اللي ظاهر ، خلينا نأخذ منه
السائل : نعم
الشيخ : نشوف شو معلوماته عن الشيوعيين هاللي يعيش كثيرا في هالدوامة هذه ، أنت بتعقد إنه الشيوعيين اللي في فلسطين يعملون لفلسطين ؟
السائل : الظاهر إي
الشيخ : والباطن ؟
السائل : ما بعرفش
الشيخ : ما بتعرفش
السائل : اه
الشيخ : البلاد اللي احتلت من قبل الروس ما بتعرف ليش ؟ مو مشان الاستعمار اللي كان الإنجليزي وكان هلوندي وكان كان إلى آخره ؟!
السائل : بس هو صار استعمار روسي لأفغانستان يعني بوجود مثلا جهة شيوعية وبتعمل
الشيخ : أنا مالي علاقة بس عم أسألك أنت عم تقول الشيوعيين ، الشيوعيون لا يعملون للقصد اللي أنت عم تفكر فيه ، لا يعملون لأن هاي لفلسطين وهاي أرض آباءنا وأجدادنا ، يعملون لإقامة الحكم الشيوعي في كل بلاد الدنيا
السائل : وإحنا بدنا نعمل عشان إقامة الحكم الإسلامي في كل الدنيا
الشيخ : صحيح ، فإذن لا تقول عن الشيوعيين أنهم يعملون من أجل فلسطين ، لا هم ما يعملون من أجل فلسطين ، هم يعملون من أجل استجلاب الاستعمار الروسي لأرض فلسطين وليبيا والأردن وكل بلاد الدنيا ، وحينئذ ، وحينئذ شو حصيلة هذا الاستعمار وهذا العمل بالنسبة لفلسطين خير ولا شر ؟
السائل : آه بس مثلا الجبهة الشعبية بالذات بنحطهم
الشيخ : ما جاوبتني ، ما جاوبتني كعادتك ، شو حصيلة هالعمل هذا بالنسبة لفلسطين خير ولا شر ؟ شو الفرق بين استعمار اليهود لفلسطين أو استعمار الشيوعيين لفلسطين شو الفرق ؟
الطالب : شو بتقول
الشيخ : إي بارك الله فيك بس أنت ما دام في فرق إذن
الطالب : في فرق الشيوعي أسوأ الاستعمار الشيوعي أسوأ
الشيخ : صحيح إذا ... معليش فيه فرق إنه إذا بدنا نفترض النازل نحن كمان ... المهم إنه ما في فرق أنه هذول
السائل : كلاهما استعمار
الشيخ : ألعن من بعضهم البعض
السائل : من الناحية العملية إذن
الشيخ : بنيجي نحن هلا لكل هالكلام هذا قصدي إنك ما تقيس الشوعيين بوصف العالم الإسلامي ، خلصنا هلا من الشيوعيين ، وأخذنا منك جواب وهو أنه إن كانت فلسطين محتلة من اليهود أو محتلة من الشيوعيين فكلما دخلت أمة لعنت أختها ، ما في فائدة ، خلصنا الله يهديك لأكمل كلامي فما دام وصلنا لهذه النقطة بنرجع هلا نحنا بنحكي عن المسلمين

الشيخ : المسلمين يعملون مش ما يعملون ، وقولك أنت : لماذا لا يعمل المسلمون ؟! هذا خطأ منك
السائل : لا أنا قصدي أن جهة واضحة بحيث إنه أي واحد بيفكر بالجهاد يتوجه لها ، جهة واضحة بدي أجاهد أروح أتوجه إليها معه يحمل سلاحه طريقة منظمة وطريقة منهجية وطريقة واضحة ، لأن هذه الجهة جهة إسلامية انتهى بس جهاد
الشيخ : يا حبيبي أنت عم تنسى حالك إنك من المسلمين ؟ سؤال
السائل : ها ؟
الشيخ : عم تنسى حالك إنك أنت من المسلمين ؟
السائل : أنا في اللحظة اللي بتعامل فيها مع مجتمع مسلم مش متعامل في اللحظة هاي بكنش مسلم
الشيخ : ما عم تجاوبني ما عم تجاوبني حياتك مو لحظة ، حياتك أيام وشهور وسنين
السائل : لحظات
الشيخ : أنا عم أسألك ما عم أسألك عن لحظة عم أسألك عن حياتك هاللي أنت عايشها ، أنت نسيان حالك إنك من المسلمين ؟
السائل : مسلم
الشيخ : طيب شو الفرق بينك وبين هن هدول ؟ شو الفرق أنت لا تعمل وأيضا هدول لا يعملون ووسع الدائرة مهما شئت
السائل : بس مثلا واحد بيبحث يعني بيحاول يعمل وواحد ما بيبحث ما بيحاول يعمل
الشيخ : وشو عرفك إنه نحنا ما نبحث في الجهاد ؟ وشو عرفك إنه نحنا وزيد وبكر وعمرو وإلى آخره

السائل : بحث من سنين ما أنتج منظمة ؟!
الشيخ : اسمح لي شوي ، هذا الكلام يوجه إلك عم أقول لك أنت واحد منا شو الفرق بينك وبينا ؟ أنت أنتجت منظمة واستطعت أنك تحارب في فلسطين وطردت اليهود من فلسطين ؟ قول لا
السائل : يعني المطلوب مني أنا أعمل منظمة !
الشيخ : قول قول لا يا أخي ، إحكي على الواقع ، أنت أنتجت ؟
السائل : لا
الشيخ : وأنا مثلك ، وأنا مثلك
السائل : بس موقعك
الشيخ : اسمح لي
السائل : يعني أكبر من موقعه موقع فلان أقل منه
الشيخ : صح ، لكن هو هذا الاستدراك اللي بيرد عليك : لكن نحن نعمل على الطريقة التي يوحي بها الشرع
السائل : نعم
الشيخ : أنت لا تعمل بها ، هذا الفرق بيننا وبينك ، ليش أنا ابتدأت كلمتي بقول الله عز وجل أنت قلت لك تؤمن بمعنى الشيوعية ما بيعرف المعنى (( إن تنصروا الله ينصركم )) ليش أنا بدأت هالكلمة ؟ لحتى ألفت نظرك يا أخي إنه المسلمين إذا أرادوا أن يجاهدوا في سبيل الله ، فيحتاج إلى عمل ، عمل منظم ومستمر وطويل الأمل وطويل الأمد ، بينما الشوعية انقلاب أحمر دموي قامت الثورة الشيوعية وانتهى الأمر يا بينتصروا يا بيهلكوا إلى آخره فالنظام الإسلامي اللي نحن نؤمن به فكرا أولا ، ثم نسعى لتطبيقه عملا وبتعبيرك شرعا ، هذا يحتاج إلى وقت وإلى نفس طويل ، بنقول لك نحن : نحن الذين نعمل وليس أنت وأمثالك ، لأنك أنت تؤمن بلسانك وتؤمن بفكرك (( إن تنصروا الله ينصركم )) لكن لا تنصر الله لا أنت ولا رفقاتك
السائل : المقياس مش من ...
الشيخ : اسمح لي ، يا حبيبي شو معنى (( إن تنصروا الله )) يعني فكرا ولا عملا ؟
السائل : ماهو الإنسان يعني
الشيخ : جاوبني الله يهديك ، شو معنى (( إن تنصروا الله ينصركم )) ؟ فكرا فقط يعني يعني إيمانك فقط
السائل : قولا وعملا ، قولا وعملا
الشيخ : هذا هو فلا تقول بأى ، فمعنى قوله تعالى (( إن تنصروا الله ينصركم )) عملا ، كويس هيك اتفقنا ؟
السائل : نعم
الشيخ : طيب ، هالجماعات المسلمة هم الذين يعملون بهذا الشرط هاللي ربنا ربط به المشروط وهو النصر ، أما أنت وأمثالك ما يعملون بهذا الشرط ، ما في غير كلام فارغ وبيتموا بيعيشوا مثل
السائل : بس في تصميم من الجهات الثانية يعني ، في تصميم على إنهم مثلا يأخذوا حقوقهم بس ما في تصميم
الشيخ : يا حبيبي هذا التصميم لن يصلوا إليه ، لأنهم ما حققوا الشرط الإلهي ، اصبر عليّ ، يعني مثل ما قال الشاعر:
" ترجو النجاة ولم تسلك مسالكها *** إن السفينة لا تجري على اليبسِ "
ما بيكفي إنه الشاب من أمثالك من المتحرقين للجهاد وإخراج اليهود من فلسطين لكن هم لا يأخذون بأسباب الجهاد ، اضرب لك مثال ثاني لتعقل عني
السائل : يأخذون بأسباب ...
الشيخ : اسمح لي اسمح لي أضرب لك مثال مادي لتعقل عني : هاللي بدهم يجاهدوا ويخرجوا اليهود من فلسطين ويرموهم في البحر كما كان يقول ذاك الصنم يلي هلك ومات وهو عبد الناصر ، إذا ما كان عندهم قوة مادية سلاحية كقوة اليهود مثلا ، هذول بإمكانهم إنهم يقاتلوا اليهود ؟
السائل : لا
الشيخ : فإذن شو بدها ؟ بدها مقدمة
السائل : آه
الشيخ : صح ؟
السائل : نعم
الشيخ : يا ترى هالمقدمة هيك غمضة عين بتصير هالجماعة ياللي عم يتحركوا للجهاد على طريقتك أنت بيحصلهم قوة وسلاح وإلى آخره ؟؟ ولا هذا بدو استعدادات ومقدمات وو
السائل : بدو بداية وحتى الآن مش موجودة البداية المسلمة
الشيخ : الله يهديك أنا هذا كلامي مش كلامك ، أنا هذا كلامي إنه البداية مش موجودة ، بس هلا بنختلف معك ما هي البداية ؟ هل البداية هو التسلح المادي أم البداية التسلح العقائدي ؟ جاوبني هلا
السائل : العقائدي ولا المادي
الشيخ : عم أقول لك البداية
السائل : العقائدي
الشيخ : أنا ما نفيت الله يهديك ، أنا وعدم المؤاخذة عم تضيع عليّ وقت كثير بسبب إيش ؟ إنك تيجي تبحث قضية ما بدها بحث بتقول لي هاي وهاي أنا ما خالفتك ، بس أنا عم أسألك البداية تبدأ بالفكر ولا بالعمل ؟
السائل : بالفكر أي حاجة في الحياة الدنيا
الشيخ : كويس ما عم أسألك هذا المعهود فإذن المسلم بماذا يبدأ ؟
السائل : يرحمك الله
الشيخ : يرحمك الله ، طيب أنت وأمثالك ولا تؤاخذني عم تعكسوا النظرية السابقة اللي عم تسلم بها معي عم تعكسها أنت، أنت مهتم مش بالبداية مهتم بالنهاية ، يعني مهتم بالسلاح والاستعداد المادي ، وتارك الاستعداد الفكري هاللي بيعبر عنه هالآية الكريمة (( إن تنصروا الله ينصركم ))
السائل : بس لسى
الشيخ : الآية الكريمة ما أخفت عنا قوله تعالى -الحديث طبعا الإعداد النهائي- (( وأعدوا لهم ما استطعتم من قوة ومن رباط الخيل ترهبون به عدو الله وعدوكم )) هذه آية تتعلق بإيش ؟ بالمادة ، لكن الآية الأولى كما اتفقت معك لا تنسى إنه هي البداية ، فإذا ما نحن أخذنا بالبداية فما رح ننجح في النهاية مهما كانت قوتنا أكثر من قوة اليهود والنصارى والأمريكان والروس وو إلى آخره .

الشيخ : أنت تعرف التاريخ الإسلامي ولابد ولو بصورة مجملة ، العرب لما بعث فيهم الرسول عليه السلام
السائل : عليه الصلاة والسلام
الشيخ : وحولهم فارس والروم ، مين كان أقوى عدة وعددا ؟
السائل : فارس والروم
الشيخ : كويس بعدين النصر لمين كان ؟
السائل : للمسلمين
الشيخ : ليش ؟ لأنه كانوا أقوى عدة وعددا ؟!
السائل : لا
الشيخ : ولا لأنهم كانوا مؤمنين ، لأنهم حققوا قول رب العالمين (( إن تنصروا الله ينصركم )) إذن أنا أريد منك أن تقف مع هذه الآية في حياتك كلها في تفكيرك كلها فإذا أنت انطلقت من هذه الآية أصلحت فكرك وعقيدتك وأصلحت شريعتك وعملك في حدود الاستطاعة ، ومن حدود الاستطاعة قوله (( وأعدوا لهم ما استطعتم من قوة ومن رباط الخيل ترهبون به عدو الله وعدوكم )) الحصيلة أنه لا يجوز لك أن تدندن دائما وأبدا إنه المسلمين ما بيستعدوا للجهاد وما بيتحركوا للجهاد ، أنت عم تحكي بالخطوة النهائية مش بالنقطة الابتدائية وهي الإيمان ، وهذا هو الخطأ الفكري اللي ابتلي به شباب ، ولا مؤاخدة مش أي شباب مثلا مش مربوطين بجماعات إسلامية لا حتى الجماعات الإسلامية أخطؤوا هذا المنهج الإلهي (( إن تنصروا الله ينصركم )) ، قل عن الإخوان المسلمين قل عن حزب التحرير ، كلهم أخذوا القضية من جانبها الثاني هلي هو إيش ؟ اتفقنا معك إنه العملي ثانوي والفكري هو الأول

السائل : لحد الآن مافيش يعني هالجماعة الثابتة اللي يعني في عندهم المعطيات الكافية والتفكير الكافي لينضموا للخطوة الثانية مباشرة ؟!
الشيخ : ما عندنا لا
السائل : لحد الآن ما في ولا جماعة !!!
الشيخ : ما عندنا لأنه هم نفسهم ماهم كاملين بهالناحية هاي
السائل : خمسمئة ألف مسلم مثلا عقيدتهم كاملة وإيمانهم كامل ؟!
الشيخ : أنا ما جاوبتك الله يهديك !!؟ جاوبتك هم نفسهم ما هم كاملين من هالناحية هاي ، لأنه من جملة الكمال الفكر الموحد لو كنت تعلم !! الفكر الموحد
السائل : ممكن نجمع العدد الكبير عمليا ؟
الشيخ : هذا هو لكان مش ممكن ؟! وهذا وارد وهذا جاي
السائل : بس أنت بتأثر عليه ... يعني ساعة فيها والأفكار الثانية بتأثر عليه ثلاثة وعشرين ساعة ، يعني برضو يعني
الشيخ : شو معنى هالكلام هذا ؟
السائل : إنه ... المؤمن في ألف جهة وجهة
الشيخ : شو معنى هالكلام يا أخي الله يهديك
السائل : إنه لا يمكن يكتمل العدد هيك ، يعني من هيك ما بتكون مئة ألف مسلم مثلا ؟!
الشيخ : إي
السائل : يكون عندهم الجاهزية على شان يعدّوا يعني القوة
الشيخ : ممكن الآن ؟
السائل : مش ممكن
الشيخ : مستحيل ؟
السائل : إذا مش العدد مش ممكن
الشيخ : سؤال : يعني قولك مش ممكن هذا يعني تعني إنه مستحيل ؟!
السائل : مش مستحيل
الشيخ : إذن شو معنى ممش ممكن ؟
السائل : صعب لدرجة اليأس
سائل آخر : سبحان الله
الشيخ : صعب لدرجة اليأس !! لو كنت في ما قبل الرسول عليه السلام في الجاهلية وبنقول لك حتى ما يؤثر في نفسك ولو كنت عمر بن الخطاب كويس ؟
السائل : ...
الشيخ : اسمح لي شوي الله يهديك
السائل : نعم
الشيخ : هذا أخوك يعني مو أشقر مثل حكايتي لكن شايفه أشد من أشقر ، يعني ما بيخلي إنسان يكمل جملة كاملة ، الله بيقول (( فويل للمصلين )) خليني كمل الآية
السائل : نعم
الشيخ : (( الذين هم عن صلاتهم ساهون )) ، الله بيقول (( لا تقربوا الصلاة )) خلينا كملها (( وأنتم )) إيش (( سكارى )) أنت هالجلسة كلها إنك تركتني كمل جملة كاملة بحيث تفهم علي تماما ، اسمح لي أقول لك السبب عايش في عش اضطراب ومقتنع فيه وما بتريد تسمع ما يخالفه أبدا ، أنا عم أقول لك الآن سؤالي السابق ، بتقول هذا يعني مش ممكن ، سألتك مستحيل ؟ قلت لي لا مو مستحيل لكن شو هي مش ممكن لدرجة إيش ؟ اليأس ، شو نحن هلا بحث تلاعب بالألفاظ شو معنى مش ممكن ؟ يعني مستحيل ، عم أسألك مستحيل ؟ بتقول لي لا مو مستحيل ، لكان شو معنى الكلام ؟ يعني مش ممكن لدرجة اليأس بيرجع السؤال يعني مستحيل ؟ رجعت معك إلى الجاهلية الأولى افرض أنت كنت في زمن عمر
السائل : سيدنا الآن أنت فهمني شوي ؟
الشيخ : وأنا شو عم ساوي هاي
السائل : ...
الشيخ : رجعت قاطعت كلامي ، هلا ذكرت أنا عمر بن الخطاب لثاني مرة ، فرجعت قاطعت كلامي ، أمة تخضع لها فارس والروم
السائل : استعمار فارسي مش استعمار
الشيخ : قول لي شوف أنا بدي إياك تسأله دغري بيجاوب ، الله يهديك ، عم أسألك سؤال : لو كنت أنت في ذاك الزمن وسط ذل العرب وقوة الروم وفارس والحبشة والى آخره مستضعفينهم ، كنت تتخيل إنه يصير العرب أمة أعز أمة على وجه الأرض يخضع لها فارس والروم قول إي أو لا ؟
السائل : والله هاي بدها خيال واسع يتخيل هيك
الشيخ : ... المسلمين
السائل : بدي أقول لك لا يعني
الشيخ : شو لا ؟
السائل : إنه مافي يعني الأمر هذا ما يتخيل يعني ما حد يتخيله
الشيخ : طيب ما بتقول مستحيل ؟
السائل : يمكن أقول مستحيل
الشيخ : ليش عم تحط يمكن الآن ؟
السائل : عقول الناس تختلف يمكن الواحد
الشيخ : ليش عم تحط يمكن ... أنت صرت عم تتلاعب !! صرت عم تدور الله يهديك يالله سيدي السلام عليكم
السائل : تفضل شيخي بدري شيخي كاسة الشاي جاهزة
الشيخ : الساعة أربعة
السائل : باقي نص ساعة ، كاسة شاي شيخي بتكون جاهزة إن شاء الله
الشيخ : الله يهديك يا عبد القيوم
السائل : بس أنا يا سيدي الشيخ نفسي أقول حاجة وحدة إنت لما وصلت للنقطة هاي بس خليني أوضح لك ، لما وصلت لما قلت
الشيخ : أنت اللي بدك توضح ولا أنا ؟ أنت بفهمك بالتعبير السوري بخض ، بالسابق غير ممكن الآن لما رجعتك للجاهلية الأولى ووصفت لك الوضع اللي أنت بتعرفه
السائل : إنتي ما سمعتني
الشيخ : طول بالك ، قلت : لا ما بقدر قول مستحيل ، طيب ليش تغيرت عبارتك

السائل : الاتحاد الآن أفضل لأن هنا استعمار فكري وهناك استعمار مادي
الشيخ : ومين قال لك ؟
السائل : أنا إنسان من الشارع ...
الشيخ : مين قال لك هنا كمان في نقطة : مين قال لك إنه هناك استعمار مادي فقط ؟ أنت دارس التاريخ ؟
السائل : أعراب كانوا جوا الصحراء وشو بدهم يستعمروا فيهم فكريا يعني ؟!
الشيخ : إي هذا علم اللي عم تحكيه ؟! هذا مو علم
السائل : قبل محمد عليه السلام
الشيخ : أنا عم احكي قبل محمد شو عرفك إنه كان استعمار فكري فقط ؟
السائل : مادي
الشيخ : عفوا مادي ، شو عرفك فقط ؟
السائل : لأني درست مثلا عرفت كيف كانوا عايشين ، طريقة عيشتهم يعني مش يعني في الصحراء وبيئة منعزلة وبيئة كذا
الشيخ : طيب أنا بسألك سؤال الآن : عبادة الأصنام من أين نبعت ؟
السائل : توارثوها
الشيخ : توارثوها !! من أين نبعت عم أقول لك أول صنم دخل البلاد العربية نبع من الأرض العربية ولا جاء من برى ؟
السائل : من برى
الشيخ : قول ما بعرف
السائل : من برى من برى يا شيخ
الشيخ : إذن من برى ، كثير أصنام دخلت لبلاد العرب وهذا شو اسمه
السائل : عمرو بن لحي
سائل آخر : مع التجار مع التجار
الشيخ : أول من أدخل ايش ؟ عبادة الأصنام ولذلك قال عليه السلام ( أنه رآه في النار أقتابه -يعني مصارينه- طافية وهو في النار يعذب أشد العذاب ) فأنت بتقول : من هون نحنا بنعيد لك فكرة إنه الدين بدو تصفية ، أنت بتقول كان الاستعمار مادي ، هذا يخالف التاريخ السابق والتاريخ اللاحق ، كيف ما بتتصور أنت إنه الاستعمار لما بيستعمر شعبا أو أمة أو قبيلة يستعمرهم فقط ماديا وما بيبث فيهم أفكاره ؟!
السائل : فكريا قبل شو اسمه
السائل : يا شيخ أنت عايش في العصر وأنت شايف العرب المسلمين بالعادات تختلف من بلد إلى بلد ، في عمان أو في الأردن بصورة عامة العادات اللي اكتسبوها من مستعمريهم الإنجليز تختلف عن العادات اللي اكتسبناها نحنا السوريين من الفرنساويين ، شو السبب ؟ لأنه كل دولة من هالدولتين هدول لهم تقاليد ولهم عادات بثوها في أثناء استعمارهم ، فأنت عجيب أنك بتدعي أنك مثقف ودارس لو تفصل بين الاستعمار الفكري والاستعمار الايش ؟ المادي !! مع أنهم لا ينفصلان إلا في حالة خروج الاستعمار المادي شو بيخلّف ؟ الفكري
السائل : أنا قصدت إنه يعني زمان كانت المعرفة قليلة يعني مهما يحاولوا يأثروا مثلا لو
الشيخ : هذا كمان هذا كمان ولا تؤاخذني قلت لك إنه معلوماتك ضحلة جدا ، ما بتعرف بفلسفة أفلاطون ؟!
السائل : بعرف
الشيخ : بتعرف بفلسفة أرسطو ؟
السائل : والحضارة اليونانية والحضارة
الشيخ : اسمح لي طول بالك بتعرف هذا الشيء ؟
السائل : نعم
الشيخ : هاي عربية ولا إيش ؟ يونانية ؟!
السائل : أنا قصدي إنه المعرفة
الشيخ : ... نعم قصدي
السائل : نعم
الشيخ : عم اسألك
السائل : يونانية يونانية
الشيخ : طيب هالي استعمروا العرب ما بيجيبوا فلسفتهم اللي استفادوها من هذول الفلاسفة ؟
السائل : بيجيبوا
الشيخ : طيب
السائل : بيجيبوا بغض النظر عن أنها بيئة منعزلة بس برضوا بيجيبوا
الشيخ : طيب فإذن ليش أنت قلت هذيك الساعة اللي استعمروا ماديا ولم يستعمروا فكريا ؟
السائل : أنا قصدت إنه ما أعرف الطرد الآن رجل بيمشي بالشارع بستقبل تفكيره من الغرب ومن الشرق ومن هانا ومن هانا ومئة فكرة ومئة أسلوب حياة ومئة مش عارف شو ، بس يعني زمان إذا بدهم يأثروا عليهم بيأثروا بس بتفكير واحد يا بيقولوا عنه صح يا بيقولوا عنه غلط
الشيخ : أنت عم تحكي غلط
السائل : يعني الآن
الشيخ : أنت عم تحكي غلط ، خلينا واقعيين الآن وبنحكي هيك بالقلم العريض كما يقولون : أنت شو بتعرف من التاريخ الإسلامي ، هل كان عندهم عادة إنه الرجل يحلق لحيته ؟ قول لشوف ؟
السائل : في التاريخ الإسلامي لا
الشيخ : طيب نحن من أين أخذنا هالعادة هاي ؟
السائل : غربية
الشيخ : طيب شلون بتقول أنت ما بيستعمرونا فكريا ؟!
السائل : ما نفيت عم قول إنه المسألة أصعب الآن !
الشيخ : ما نفى يا أبو معاوية ؟
السائل : نفى
الشيخ : شلون ما نفيت ؟!
السائل : نفيت أول اشي بعدين ...
الشيخ : أول شي نفيت والآن ؟
السائل : الآن
الشيخ : آه
السائل : مصمم على أنه في التأثير بيختلف ، التأثير الآن أكبر
الشيخ : مو هذا بحثنا
السائل : نعم
الشيخ : بحثنا كان في العرب
السائل : في كان تأثير ...
الشيخ : شايف شلون إنك بتنسى البحث !! البحث قلت لك أنا هلا رح أربطك بموضوع ، قلت لك افرض حالك أنت عمر بن الخطاب في هذاك الزمان ! وشفت ضعف العرب وذلهم واستعمار فارس والروم والحبشة لهم ؟ فجوابك كان استعمار إيش ؟ مادي فقط ، وما كان استعمار فكري ، الآن الحمد لله تبين لك إنه هناك فيه استعمار فكري مقرون مع إيش الاستعمار المادي ، ليش أنت افترضت هذيك الساعة إنه ما كان في استعمار فكري ، لأنه حتى يكون طريق التغيير يومئذ سهل في زعمك والآن صعب ليش ؟ لأنه الآن في استعمارين ذهني
السائل : فكري
الشيخ : في استعمار مادي واستعمار فكري ، أما في هذاك الزمان كان الاستعمار مادي فقط وليس فكريا ، وهاي بيطلع منها من الناحية الإسلامية لو كنت تعلم ، إنه ما في جهد للرسول اللي قلب العرب رأسا على عقب ما هي معجزة ذات أهمية ليش ؟! لأنه التأثير من برى كان مادي فقط ما كان فكري بينما كان التأثير أو الاستعمار بالعرب من الناحيتين : من الناحية المادية ومن الناحية الفكرية كما هو الشأن دائما وأبدا في سنة الله في خلقه ، كل أمة ، كل أمة تستعمر أمة ، لابد ما تفرض عليها أسلوب حياتها وأفكارها وو إلى آخره وعجيب منك تماما إنه تخفى عليك هذه الحقيقة
السائل : ...
الشيخ : أبني على هذا إنه جاء قبل مجيء الرسول عليه السلام والعرب في هذه الحالة مستعمرين مادة وفكرا ، أنت عمر بن الخطاب ما بيخطر في بالك إنه العرب ممكن يصيروا أعلى من فارس والروم ويحمل حسابهم وتنتشر دعوتهم شرقا وغربا الى آخره
السائل : قبل الإسلام
الشيخ : لكن ، أنا عم احكي قبل الإسلام الله يهديك عم احكي في الجاهلية ، وقلت أنت لا يمكن واحد يحط في باله إنه ممكن العرب إيش ؟ يرجعوا أعزاء ويستولوا على هالبلاد هاي كلها إلى آخره ، لكن هذا الي كنت بتقوله بهذاك الزمان إنو غير ممكن صار ممكنا وصار واقعا

الشيخ : الآن يأتيك السؤال وأرجو إنك ما تشرق وتغرب كعادتك ، ما هو السبب اللي جعل العرب الأذلاء الضعفاء مادة وفكرا وخلقا وكل شيء ، ما هو السبب اللي قلب التاريخ وقلب الخارطة العالمية يومئذ فجعل العرب حكمهم عليهم ، بتقدر تقلي ؟
السائل : سببين
الشيخ : كويس ، أنا بدون ما أناقشك شو هم بس من باب تقريب الموضوع كلاهما في القوة سواء ولا في واحد أقوى من الثاني ؟
السائل : في واحد أقوى في واحد بيعتمد على الثاني
الشيخ : اسمعني شوي ، حدثني عن السبب الأقوى ما هو ؟
السائل : الإيمان
الشيخ : كويس ، اتركني بأى هلا الله يعافيك من السبب الثاني
السائل : يعني بدي ...
الشيخ : اسمح لي شوي : الإيمان من أين جاءهم الإيمان ؟ أليس من الإسلام الذي قال الله عنه في القرآن (( إن الدين عند الله الإسلام )) (( ومن يبتغ غير الإسلام دينا فلن يقبل منه وهو في الآخرة من الخاسرين )) ثابتين على الكلمة هاي ؟
السائل : نعم
الشيخ : إذن التاريخ يعيد نفسه صح ؟
السائل : بس في عندك
الشيخ : سألتك ؟
السائل : نعم نعم
الشيخ : هيك بدي إياك تتعلم بتعرف تجاوب وتقول نعم وما تشرق وتغرب ، أليس التاريخ يعيد نفسه ؟
السائل : نعم
الشيخ : طيب أليس قلت إنه الآن وضع المسلمين شر من حالة العرب ! ولا خير ؟! شو بتقول ؟
السائل : أشر
الشيخ : هيك أنا فهمت منك
السائل : نعم
الشيخ : طيب ، في أحسن من هذاك العلاج اللي كان علاج العرب وجعلهم أعزاء وسيطروا على الأقوياء إلى آخره ، في عندك أنت سبب أقوى من ذاك السبب حتى يعودون يوم المسلمين ولا ما عندك ؟ أرجوك كلمة وغطاها
السائل : لا
الشيخ : ها ؟
السائل : لا
الطالب : الله أكبر الله أكبر !!
الشيخ : إذن حط إيدك هون حط إيدك هون ولنكن مسلمين حقا ونعمل لفهم الإسلام فكرا ونطبقه عقيدة ونجعله هو السبب لنعيد إلينا عزنا الذي فقدناه كما فقد العرب في الجاهلية عزهم بسبب أنهم كانوا جاهليين ، كان ليس عندهم الإسلام فلما جاءهم الإسلام أعزهم الله كل عمر نفسه اللي فرضناك أنت هو عمر في ذاك الزمان شو قال بعد أن هداه الله " نحن قوم أعزنا الله بالإسلام فمهما نبتغي العزة في غيره نذل " ، وهذا هو مصيبة العالم الإسلامي اليوم وبرجع بقول لك لا تغش حالك
السائل : أنا ما بغش حالي
الشيخ : اسمع الله يهديك برجع بقول لك لا تغش حالك ولا تغش من قد يلف ملفك وبيقتنع بقناعتك ، إنه أنتم تعملون لإرجاع فلسطين إلى أهلها والمسلمون لا يعملون ، لا تنغر ولا تنغش ، كل من يضع نصب عينيه الآية السابقة (( إن تنصروا الله ينصركم )) ويعمل في حدود تحقيق هذه الآية بأوسع مدى ممكن فهو الذي سيعيد فلسطين إلى أهلها ، وليس أولائك الذين لا يطبقون هذه الآية بل إنما صور في المجالس

الشيخ : أنا أضرب لك مثلا ما هو الأسهل : إنه الإنسان يقوم يصلي خمس صلوات في كل يوم وليلة ، ولا الأسهل يحط مثل ما بيقولوا عنا في سوريا دمه في كفه ويعرض حاله للقتل أيهما أسهل على النفس ؟
السائل : الخمس صلوات
الشيخ : الخمس صلوات ، فهل تعتقد أنت إنسان ما بيحافظ على الصلوات ، ولا يقيم لها وزنا ليه نحنا بدنا فلسطين وبدنا نرجع فلسطين لأصحابها يستطيع أن يجاهد ؟
السائل : هما اللي بيجاهدوا فعلا هذول
الشيخ : هذا مو جهاد الله يهديك هذا دفاع عن الأرض مثل الكفار ، كل الكفار بيدافعوا عن أراضيهم ، أنا عم احكي معك عن الجهاد في سبيل الله ...
السائل : يا شيخ ما نبعد عن هالنقطة
الشيخ : إيه الله يهديك تماما
السائل : .. نقطة إنه هم اللي بيعملوا ليش هما اللي بيعملوا ؟
الشيخ : بيعملوا في سبيل الأرض مش في سبيل الإسلام هاللي بيقول لهم : (( إن تنصروا الله ينصركم )) لا تنس يا أخي التفريق بين المسلم وبين الشيوعي وأمثاله هذولي بيعيشوا
السائل : يعني هي الأرض مش كرامة الإنسان
الشيخ : اسمح لي الله يهديك الشيوعيين والادينيين إلى آخره حياتهم في هذه الدنيا فقط للدنيا ، ما في عندهم مسؤوليات ، ما في عندهم تهذيب نفس ، ما في عندهم تربية ذرية إلى آخره ، وهذا الذي يأخذ من وقت المسلمين الوقت الكثير والكثير ، دعك عن العبادات والصلوات وإلى آخره شوف أنت النصارى مثلا وهذول الجماعة يعني لهم دين ، شوف اليهود شو عبادتهم لله هذول بيعبدوا الله يوم السبت والله أعلم بحقيقة هالعبادة ، وهدول الثانيات بيعبدوا ربهم إيش ؟ يوم الأحد وبقية الأيام كلها للحياة المادية ، بينما المسلمين عايشين في حدود تحقيق الآية السابقة (( وإن تنصروا الله ينصركم ويثبت أقدامكم )) وهذا يتطلب إنه المسلم يضع لنفسه منهج حياة لا مثيل لهذا المنهج في الدنيا كلها ، وتطبيق هذا المنهج يأخذ معهم زمن طويل وطويل جدا
السائل : مش من ضمن نصرة الله أو من ضمن نصر الله إنه أنا يعني أسعى للحصول على حقي ؟
الشيخ : لك يا أخي هذا السؤال الله يهديك ما بينسأل ، بنقول لك نعم لكن شو بيفيدك وأنا قلت لك قبل ساعة اللي قال (( إن تنصروا الله ينصركم )) قال أيضا (( وأعدوا لهم ما استطعتم )) نسيت شو حكيت ؟
السائل : لا
الشيخ : ليش عم تسألني هالسؤال لكن الفرق إنه هذا الإعداد اتفقنا نحن معك بس نسيت ، ليش ؟ لأنه مش متركز هذا الاتفاق اللي بيننا ، الآن المنطق السليم هو اللي جعلك تتفق معنا ، لكن ما صارت عقيدة راسية لسا في ذهنك ، اتفقنا إنه في نقطة انطلاق وابتداء وهو الإيمان ، بعدين في نقطة ثانية وهو العمل ، مو هيك اتفقنا ؟
السائل : نعم
الشيخ : ليش هلا عم تسألني أليس من الدين ومن الشرع إنه الآن يعمل الإنسان لاستعادة أرضه شو رح تصور أن الجهاد ليس من الدين وأنا الذي قلت لك (( وأعدوا لهم ما استطعتم ))
السائل : ...
الشيخ : كان البحث من أين نبدأ ، البحث من أين نبدأ
السائل : مممم
الشيخ : نبدأ في ماذا ؟ في أن نفهم إيماننا ثم نحاول أن نطبق إسلامنا في حدود ما نستطيع أنا سألتك أظن آنفا : هل نستطيع الآن نحن نصنع أسلحة مشان نقاتل اليهود ؟ ما نستطيع

السائل : إلا كدولة إلا إذا حققنا الدولة الإسلامية
الشيخ : آه كويس أنت من دعاة تحقيق الدولة ؟
السائل : نعم
الشيخ : كويس ونحن كذلك ، لنشوف كيف أنت بتريد تقيم الدولة وطالما الدولة علمانية مثل ما قال رئيس الجماعة
السائل : أي علمانية ...
الشيخ : هذا هو أحسنت إذن إقامة دولة مسلمة أليس كذلك ؟
السائل : طبعا
الشيخ : طيب ، مين هلي بيستطيع أن يقيموا الدولة المسلمة ؟ آلذين ينصرون الله أم الذين يهدرون أحكام الله ؟
السائل : مهو مافيش يعني ، مجتمع هو هو
الشيخ : ما جاوبتني ؟
السائل : مسلمين
الشيخ : ليش ما بتجاوب يا أخي
السائل : المسلمين
الشيخ : يا أخي الحبيب
السائل : يفترض إنه الإجابة ولا إنه واضحة هنا
الشيخ : شلون واضحة ؟
السائل : مسلمين يعني
الشيخ : أنت جاوب مشان أنا أبني عليها وأمشي معك خطوة ثانية
السائل : نعم
الشيخ : إذا كان الأمر كذلك فمن لا يعرف الإسلام بيقيم دولة الإسلام ؟
السائل : لا
الشيخ : طيب وينهم هدول ؟ هم جماعتك أنت؟
السائل : لا
الشيخ : فإذن ؟ مين هدول ؟ بدك تدور عليهم مثل ما بيقولوا عنا بالشام : " بدك تدور عليهم بالفتيلة والسراج " ، حتى تلاقيهم وتعمل معهم ، فما دام تعترف فإذن سعيكم كله كما قال تعالى (( وقدمنا إلى ما عملوا من عمل فجعلناه هباء منثورا )) هباء منثورا
السائل : السبب الأول اللي بيقيم الدولة الإسلامية مش متحقق أو قلت لي يعني مافيش ، أثره مش واضح يعني الإيمان
الشيخ : لك حبيبي إقامة الدولة المسلمة أنت بتظن يعني شرب كاسة شاي ؟
السائل : يعني المجتمع هوهو من عشرين ثلاثين سنة من أربعين سنة هو هو
الشيخ : هههه سامحك الله
السائل : زمان كنت أشوف شوية شيوخ والآن بشوف منهم شوية
الطالب : الشوي كثروا
السائل : ما كثروا عادي
الشيخ : لا بس الشيوخ اللي كنت تشوفهم الشيوخ اللي بلا مستحى منكم بيدخل الواحد للخلى وبيطلع ماسك حاله وبيدبك برجليه مشان ينظف حاله ويطهر حاله ، الشيوخ اللي أنت أدركتهم ما هم عارفين الكتاب والسنة اللي نحن ندعو إليها
السائل : نعم
الشيخ : قال الله قال رسول الله دائما وأبدا ، على كل حال ، يعني صار عنا نقطة بينة جدا وهي : إنه أنت تسلسلت في الحديث معنا جزاك الله خير ووصلت إنه الدولة المسلمة لا يقيمها إلا المسلمون
السائل : نعم
الشيخ : الفاهمون لكتاب الله ولحديث رسول الله فهما فكرا ثم العاملون بذلك ، أنت بأى لا تسأل إنه موجودين ولا مو موجودين ، إن كانوا مو موجودين خليك أنت من هؤلاء اللي لازم يكونوا موجودين ، وإن كانوا موجودين
السائل : العاطفة ... حطها على جنب
الشيخ : طول بالك ، طول بالك شوي الله يهديك وإن كانوا موجودين فكون أنت واحد منهم ، ما دام آمنت معنا إنه الدولة المسلمة لا يقيمها الأحزاب لأنهم ما يتبنون الإسلام ، انتهى الأمر
السائل : نعم
الشيخ : بترجع بتقول لي وطن الله يهديك
السائل : بس
الشيخ : لو كنت مسلما فاهم الإسلام ما بتسأل هالأسئلة كلها ، هاي أنا يعني بتظني لا أفكر في فلسطين ولا أجاهد في سبيل فلسطين وو إلى آخره ، أنا الآن برويلك حديث يبين لك كيف إنه الإسلام بقيم وزن للوطن لكن أنو وطن ؟ مش وطن عبارة عن أرض وجبل ونهر وو إلى آخره وطن لإقامة حكم الله في الأرض ، قال تعالى في القرآن الكريم في حق اليهود (( ولو أنا كتبنا عليهم أن اقتلوا أنفسكم أو اخرجوا من دياركم ما فعلوه إلا قليل منهم )) فالوطن يا حبيبي هذا أمر غريزة في البشر لا يمدح عليه الإنسان لأنه أمر غريزي ، لا يمدح الإنسان إنه والله هو بيأكل وبيشرب ، بيحب يأكل ويشرب !! ما شاء الله كل البشر هيك الله فطرهم إنهم يأكلوا ويشربوا ، ما يمدح الإنسان كونه بيحب وطنه ، لأنه هذه غريزة الوطن مثل غريزة حب الحياة لذلك قال تعالى (( ولو أنا كتبنا عليهم أن اقتلوا أنفسكم أو اخرجوا من دياركم ما فعلوه إلا قليل منهم )) ليه ؟ لأنه بدو جهاد واحد يترك بلده ويقتل نفسه هاي في الجهاد كبيرة وكبيرة جدا والإيمان ، هاي آية في القرآن بتبين لك بقيمة الوطن وأنه أمر طبيعي وغريزي ، والرسول عليه السلام لما اضطر للهجرة من مكة إلى المدينة وقف على الجبل الخَليص أو الخُليص والتفت إلى مكة وقال : ( إنك خير بلاد الله في الأرض وأحب بلاد الله إليّ ، ولولا أن قومك أخرجوني منك ما خرجت ) ولولا أن قومك أخرجوني منك ما خرجت ، وبعدين الرسول رجع إلى مكة ، لكن متى رجع إلى مكة ، عاش في مكة ثلاثة عشر السنة وهو يدعو العرب هذول اللي ما بيعرفوا شريعة ولا بيعرفوا ثقافة ولا بيعرفوا مدنية ، على قول بعض جماعتنا من سوريا : ما بيعرفوا طاول ، على الإطلاق ، رباهم أحسن تربية على ماذا ؟ مش على كلام نبع من لينين وأستالين وأرسطو وأرستقاليط وإلى آخره وإنما ما نزل من الله من السماء بوحي جبريل عليه السلام إلى نبينا صلى الله عليه وسلم ثلاثة عشر السنة في مكة اضطر أخيرا إنه يهاجر ويخاطب مكة ( ولولا أن قومك أخرجوني منك ما خرجت )
السائل : شيخنا هذا جابلنا الحكم .
الشيخ : مع ذلك ، مع ذلك ذهب إلى المدينة وأخذ هناك ليضع النواة لإقامة الدولة المسلمة بعد قد إيش ؟ بعد ثلاثة عشر سنة وهو رسول الله يوحى إليه من السماء ، نساوي هيك ؟ نحنا ما عنا هيك ، نحن بدنا أول شيء نقرأ بالقرآن، ثاني شيء : نجمع السنة ، ثالث شيء نفهم السنة هاي على الوجه الصحيح إلى آخره ، فشوف قد إيش الفرق بينا وبينه ، مع ذلك بقي في المدينة ما شاء الله من السنين ، بدأ يضع إيش ؟ نواة إقامة الدولة ، بدأت العرب أو المشركين العرب لما شعروا إنه محمد مدعي النبوة لما يعمل فر هاربا بنفسه فلحقوه ووقعت المعركة الأولى في بدر ، وبتعرف أنت القصة بعدين كيف ربنا نصرهم وكيف بعدين اليهود تمالؤوا على الرسول مع المشركين وو إلى آخره ، وبدأت المعارك من جهة ثانية بين الرسول وبين اليهود ، وربنا أخذ بيده ثم بدأت تنتقل الدعوة من المدينة إلى الطائف إلى نجران إلى إلى آخره ، حتى أذن الله عز وجل للدعوة أن تصل شرقا إلى الصين وغربا إلى الأندلس ، فإذا كان الرسول وهو نبي يوحى إليه من السماء أخذ معه زمن طويل لحتى استطاع أن يضع نواة الدولة المسلمة بعدين الخلفاء من بعده هني هالي مدوا في سلطان الحكم الإسلامي إلى آخره ، الآن بقول لك إن التاريخ يعيد نفسه ، نحن أشبه ما نكون بالعهد إيش المكي
السائل : نعم
الشيخ : لكن مع فارق كبير نحنا ما عنا نبي ما عنا رسول ، والتاريخ هنا بيحدّث إنه المسلمين اختلفوا إلى فرق متعددة فكرا وعبادة وسلوكا وبتعرف نعني بالسلوك التصوف والطرق ووإلى آخره نحن الآن نعيش في خضم من الخلافات الكثيرة المتنوعة ، ويجب أن نبدأ بتصفيتها ونكتل كتلة من هؤلاء المسلمين على هذا الإسلام المصفى الذين هم فقط لا غيرهم هم الذين يستطيعون أن يعيدوا فلسطين إلى أهلها ، وليست كل هذه الأحزاب التي لا تتبنى هذه الآية الكريمة ( إن تنصروا الله ينصركم ويثبت أقدامكم ) وننصرف للصلاة
السائل : جزاك الله خير ، بارك الله فيك

السائل : بس والله يعني ظل سؤال واحد لو اتجاوبني عليه وبس ينتهي الموضوع فيه
الشيخ : هاته
السائل : يعني الرجل المسلم الملتزم يعني زي أبو عبد الله وزي أبو معاذ وزي ، الآن الانتفاضة الموجودة في فلسطين مش مطلوب منهم يجاهدوا فيها مثلا إذا بيستطيع ؟
الشيخ : لا مش مطلوب هذا إلقاء للنفس في التهلكة
السائل : وحرام
الشيخ : اسمع اسمع الله يهديك : أنت رأيك هالانتفاضة هاي نابعة من نفس النقطة الفكرية ؟
السائل : لو فرضنا إنها هيك
الشيخ : شوف لو فرضنا
السائل : أنا بعتقد إنها نابعة من نفس النقطة الفكرية
الشيخ : ليش بتقول لو فرضنا إذن ؟ ليش ما تعطي عقيدتك بصراحة
السائل : بدي أعطيك الجواب يعني
الشيخ : ما أعطيتني الجواب هربت من الجواب
السائل : إي أنا بعتقد إنه الانتفاضة مهمة
الشيخ : إي هذا الجواب
السائل : نعم
الشيخ : هو قال بده يحيد عن الجواب وهو بيهرب من الجواب !! الانتفاضة منهم
السائل : بدي أختصر عليك أنا
الشيخ : كيف ؟
السائل : بدي أختصر عليك
الشيخ : بالعكس أنت عم تطول عليّ هيك الله أكبر
السائل : أنا هيك بأعتقد
سائل آخر : ...
الشيخ : ... هذول الفلسطينين الآن هلي منتفضين تسميهم أخذوا بمبدأ (( إن تنصروا الله ينصركم )) برأيك ؟
السائل : بكفي إنه الجماعة الإسلامية بالأمة العربية
الشيخ : ما بيجاوب ما بيجاوب
السائل : مهو مش جهة يعني
الشيخ : هاي عادتك
السائل : في جهة
الشيخ : يا حبيبي قول أخذوا قول ما أخذوا ، قول بعضن أخذ وبعضن ما أخذ الله يهديك
السائل : نعم ، بعضهم بعتقد إنه أخذ
الشيخ : كويس ، والبعض الثاني ؟
السائل : ما أخذ !
الشيخ : ما أخذ ! هدول بينصرون ؟
السائل : اللي أخذوا أنا ما أعرفش
الشيخ : هههه
السائل : يعني هل ينصر البعض اللي أخذ بغض النظر عن الآخرين !!؟
الشيخ : أنا ما أدري عم أسألك هالي ما أخذوا باعترافك ربنا بينصرهم ؟
السائل : اللي ما أخذوا لا
الشيخ : هاه هاي انتهينا
السائل : نعم
الشيخ : شوف شلون أنا بيجي معك وأنت بتهرب مني ، أنا قسمت لك الانتفاضة إلى قسمين باعترافك : ناس مؤمنين أخذوا بآية (( إن تنصروا الله ينصركم )) وناس ثانيين ما أخذوا ، هذولي سألناك الله بينصرهم ؟ قلت والحمد لله لا لأنهم ما أخذوا بمبدأ كويس ؟
السائل : نعم
الشيخ : هلا أنا بيجي معك وبرجع للجماعة اللي أخذوا بمبدأ (( إن تنصروا الله ينصركم )) أنت واهم في قولك إنه هذولي أخذوا بهذا المبدأ ، لأنو نحن شرحنا آنفا إنه هذا المبدأ ما بيستلزم فقط الناحية الفكرية وبيستلزم الناحية اللي جعلتها أنت أولية ، وبعدين اتفقنا على أنها ثانوية ، كويس ؟
السائل : نعم
الشيخ : الناحية المادية ، أنا بسألك الآن : شو الاستعدادات الممكنة هاللي للقسم الأول ولنسميه المؤمن
السائل : نعم
الشيخ : ما هي الاستعدادات المادية التي يتمكن هؤلاء المؤمنون من ... في فلسطين من اليهود ومن الدول الأخرى ، ما هي أسبابهم الآلية اللي باستطاعتهم إنه يجابهوا فيها الرصاص وإيش بيسموها قنابل مدري إيش وإلى آخره
السائل : ممكن أجاوبك بمادة واحدة
الشيخ : ما بدي أنا واحد واثنين قلي ما هي ؟ أنا عم بسألك شو هي
السائل : جهاد الأمة يعني جهاد الأمة لما بتصير حرب أممية شعبية
الشيخ : أنو أمة ؟
السائل : الإسلامية ، أول شيء الفلسطينية بعدين العربية الإسلامية
الشيخ : وأنت هلا بتعتبر إنه في أمة مسلمة يعني مستعدة للجهاد في سبيل الله ؟ أما حكيك عجيب
السائل : أنا بقول إنه في جماعة مسلمة جماعة مسلمة
الشيخ : أنت قلت هلأ الأمة الإسلامية
السائل : بس بيخصوصهم بغض النظر عن ارتباطهم فلسطين يعني بيستفزوا القوم على أساس قومية بيستفزوا
الشيخ : الله إنت قلت خيال كأنك ما عشت ، الدول العربية ما حاربت في فلسطين ؟
السائل : حاربت
الشيخ : ما حاولت تطرد اليهود ؟
السائل : حاولت
الشيخ : طيب هلا عم تحاول ؟
السائل : بس ما بتصور إنه حاولت بشكل جد ومخلص
الشيخ : الله يهديك أعط جواب السؤال ، هلا عم تحاول ؟
السائل : ما بتحاول
الشيخ : طيب يوم حاولوا وما نجحوا لا الفلسطينين ولا من حول الفلسطينيين ، واليوم ما بيحاولوا رح ينجحوا ؟
السائل : لا
الشيخ : إذن شو معنى الانتفاضة اللي أنت عم تقول عنها ؟!
السائل : ما بتغير من موقف الناس ؟
الشيخ : أنت شايف تغير موقف الناس ؟
السائل : لا
الشيخ : نعم شايف غيرت من موقف الناس ، نعم غيرت من موقف الناس غيرتهم
السائل : بعضهم تغير نحو الأسوء
سائل آخر : غيرت للأسوء
الشيخ : أنت ابن خيال وما تعيش الواقع
السائل : أنا قلت له إياها من زمان إنه مش واقعي
الشيخ : هاه
السائل : هو مش واقعي فعلا
الشيخ : آه بيحكي خيال
السائل : يحتاج إنه
الشيخ : لك يا رجل يوم تحركت الدول العربية المحيطة بفلسطين