الشيخ : عليكم السلام
السائل : شيخ ناصر ؟
الشيخ : نعم
السائل : في والله أنا اتصلت فيك تقريبا الظهريات ف... قالت لي اتصل بعد العشاء
الشيخ : نعم
السائل : فاتصلنا إن شاء الله ... على المسجد في عند سؤال إذا تكرمت
الشيخ : تفضل
السائل : الله يكرمك كنت جاي من الشغل ، هي مسألة في الطلاق كانت ، كنت جاي من الشغل أنا وتعبان وكنت شوفير أنا بشتغل فكنت بدي أعمل حادث في الطريق ومعصب هيك وزعلان بفوت على الدار فلقيت المرة بوجهي فحلفت عليها الطلاق إنها ما تنزل عند دار أبوي فبدنا البنت تنزل عند دار أبوي حتى إنها تساعد أمي يعني في الدار ... في الدار
الشيخ : أنت من متى متزوج ؟
السائل : إلي سنة وست أشهر
الشيخ : طيب أوقعت فيه طلاق في هالمدة
السائل : لأ أبداً
الشيخ : أبداً
السائل : نعم
الشيخ : وما صدر منك إلا هالمرة
السائل : نعم
الشيخ : وأنت كنت قاصد طلاقها
السائل : لأ أنا كنت معصب ما بعرف يعني كنت ...
الشيخ : وشو قلت
السائل : قلت لها إذا بتنزلي هون بتكوني طالقة
الشيخ : إذا بتنزلي وأنت ما بتقصد تطليقها إذا نزلت
السائل : نعم
الشيخ : آه أي لا طلاق عليك والحمد لله ولكن لا تعود مرة ثانية إلى النرفزة هذه لأنه قد مو كل مرة تسلم الجرة
السائل : نعم
الشيخ : لذلك تب إلى الله ولا شيء عليك
السائل : هالقيت تنزل يعني يا شيخ عادي
الشيخ : تب إلى الله ولا شيء عليك
السائل : الله يكرمك
الشيخ : الله يحفظك
السائل : الله يجزيك الخير
الشيخ : وإياك