السائل : بس يعني في المسألة هذي يعني أنا يعني استحضرتني يعني أنه مثلا في حديث هو عن أبو هريرة أن رسول الله صلى الله عليه وسلم كان إذا قرأ (( غير المغضوب عليهم ولا الضالين آمين )) يسمع بها من يليه من الصف الأول !
الشيخ : أي نعم
السائل : فأنا بقول يعني على فهمي المتواضع : أنه كان يسمع من في الصف الأول كيف بده يسمع من في الصف الأول وهم متوافقين في آمين ؟ هذي واحدة شيخ ، الثانية أنه اللي هي أثر عائشة أم المؤمنين عائشة ؟
الشيخ : وحدة وحدة الله يهديك
السائل : آه تفضل يا شيخنا
الشيخ : وحدة وحدة دعك من الحماس
السائل : الله يبارك فيك لأ مهو عشان مستعجلين و
الشيخ : الحماس
السائل : وفي أمل ما نرجعش يا شيخ ، وفي أمل ما نرجعش فبدنا نستفيد عالسريع
الشيخ : أنت ما صليت وراء إمام يرفع صوته بآمين
الطالب : أبو مالك مثلا
الشيخ : طول بالك
السائل : لا يا شيخنا
الشيخ : صليت وراء إمام يرفع صوته بآمين ولا لأ ؟
السائل : والله صدقا يا شيخ ما يعني ما صليت خلف إمام وأنا بعرف أنه بحكي آمين ولا بحكيش من صوت الناس ؟!
الشيخ : أي تعال لكان صلي
السائل : لأنهم بسبقوه
الشيخ : صل الليلة معنا
السائل : بنتعلم معك
سائل آخر : فبنقول لك شيخنا هذي يعني ظاهرة يعني منتشرة بين الأئمة معظمهم ، ونفسهم لا يقولوا آمين ما يعرفوها !
الشيخ : صحيح يا أخي في ناس هيك وفي ناس هيك
السائل : نعم أقول في ناس هيك وفي ناس هيك .
الشيخ : لأنه المذهب الشافعي بقول بالجهر بآمين ، فإذا كان شافعي المذهب وكان فقيها بمذهبه فهو سيجهر بآمين . يا الله السلام عليكم
السائل : ... معليش يا شيخ ظل سؤال ، أنه يعني مشترك يكون الآمين من المسلمين جميعا المصلين أم يعني يختلف التفاوت بينهم ؟ ...