الشيخ : الناس من المسلمين فضلاً عن غيرهم ما عم يربطوا الظاهر بالباطن والباطن بالظاهر ما عم ينتبهوا إنه الظاهر له تأثير في الباطن يعني البيت اللي فيه صور ما بفكروا أبداً إنه هاالصور لها تأثير معنوي في القلوب من حيث لا يشعرون والعكس بالعكس ، البيت الذي يذكر فيه اسم الله وتصلى فيه الصلاة ويتخذ فيه مكان من أجل الصلاة كل هذه الأمور الظاهرة لها تأثير في القلب الباطن ولذلك قال عليه السلام : ( لا تتخذوا بيوتكم قبوراً )
الطالب : والله يا شيخنا الله يجزيك الخير ، ... أن نحن بفضل الله عز وجل استفدنا منكم ننقله لبعض الناس اللي هم يعني عندهم علم مش ما عندهم لكن بيستغربوها أنو بيقولوا فعلاً هم أحق هذه منين نقول نحن من الشيخ حتى ما نمدح لما لا نتحصل فعلنا سبحان الله العظيم هذه فيها خير عظيم فعلاً آمنت بالله
بعض الأولاد يعني ما بيستوعبوش الإشي فبوخد الأمور يعني بسيطة أتريها لا والله الأولاد أتاري لهم أثر كبير
امس بيحكي لي إبراهيم ابني قال لي أنا جيت على المسجد يتحدث معاي هو الولد لسانه طلق وراكب معي بالسيارة بيقول لي أنا مبارح رحت على الجامع لقيت الجماعة منتهية هذا كلامه لقيت الجماعة منتهية جيت أصلي لحالي قال لي واحد : هاي في هون جماعة روح صل معاهم قلت له لا أنا بصلي لحالي ما بصلي مع الجماعة الثانية لأنه أنا ما صليت مع الأولانية قال لي : يا ابني أنت ما بتعرف تصلي صل معهم ، قال له: لا أنا بعرف أصلي تركته ورحت صليت وراء العمود لحالي ، الله أكبر صدقني يعني
الشيخ : أكبر من كبير
الطالب : آه يعني سبحان الله العظيم ، بعدين تحريك الأصبع هذه مش طاخ طاخ طاخ بتضربها لتحت ولفوق ولتحت ولفوق تحريك والتحريك لازم يكون للأمام ودغريي
الشيخ : ما شاء الله
الطالب : بيحكي لأخيه هيك ... لسا ما كملت أقول سبحان الله العظيم كيف الأولاد بيمتصوا هذا ، وبعدين بمجتمعنا كله بيتحدث ... كله بيتحدث حول القبضة ، قال اللحية ما بصير لا ناقص عن القبضة ولا زيادة عنها بمد يدي هيك بمسك هيك اللي بزيد من هون بقصه واللي بضل يضل قلت سبحان الله العظيم