الشيخ : نعم
السائل : ألو
الشيخ : نعم
السائل : السلام عليكم
الشيخ : وعليكم السلام
السائل : مرحباً سيدي الشيخ
الشيخ : أهلاً مرحباً
السائل : يا سيدي بدي أسألك في أنا صارت عندي مشكلة
الشيخ : خير
السائل : يا سيدي أنا تعصبت وتمشكلت أنا وإخواني وطلقت المرأة طلقة
الشيخ : إيوا
السائل : فما بعرف شو بصير يعني فيها هاي
الشيخ : شو عاملة المسكينة حتى تمشكلت أنت وإخوانك
السائل : وعصبت يا سيدي
الشيخ : إي شو عاملة المسكينة حتى طلقتها
السائل : يا سيدي ما بعرف قلت لها طالق طلقة واحدة وأنا في غضب
الشيخ : قديش عمرك أنت ؟
السائل : عمري حوالي تسعة وثلاثين يا سيدي
الشيخ : وصار لك زمان متزوج ؟
السائل : صار لي متزوج حوالي أربعة عشر سنة
الشيخ : وفي طلقة سابقة ؟
السائل : سابقة في سابقة كانت في غضب برضه ، سابقة جداً قبل حوالي سبع سنين أربع سنين خمس سنين هيك يعني
الشيخ : إي واستخرجت فتوى عليها
السائل : هديك كانت في غضب شديد
الشيخ : أسألك
السائل : نعم يا سيدي
الشيخ : طالعت فتوى عليها
السائل : لا
الشيخ : وإلا
السائل : بدون فتوى
الشيخ : كيف يعني بدون فتوى ؟
السائل : سألت أنا شيوخ فقالوا لي هديك في غضب
الشيخ : طيب وإذا كان في غضب
السائل : بس هديك ما هي طلقة واحدة
الشيخ : ولا
السائل : مليون طلقة
الشيخ : الله أكبر
السائل : لهجتي كانت هديك تختلف عن هذه اللهجة ، هذه اللهجة ، المرة هذه تختلف عن اللهجة هديك
الشيخ : أنا ما عمبسألك تختلف وإلا ما تختلف
السائل : أيوا يا سيدي
الشيخ : حكموا لك أنها طلقة وإلا ثلاثة وإلا قديش ؟
السائل : المرة هاي؟
الشيخ : هديك
السائل : هديك مئة طلقة يعني صرت أحكي طالق طالق طالق هيك وبعصبية يعني
الشيخ : أنت ما عم تفهم علي عم بقول لك شو حكموا لك ؟
السائل : حكموا لي أنها غضب
الشيخ : وإذا كانت غضب
السائل : والله يا سيدي أنا اللي بعرف أنها غضب
الشيخ : إي اسأل المفتي
السائل : أيوا
الشيخ : اللي هو موظف لهذه المسائل
السائل : أيوا
الشيخ : اسأله واحكي له القضية بالتفصيل وهو الذي يفتيك والسلام عليك