الشيخ : نعم .
السائل : مرحبا .
الشيخ : مرحبا .
السائل : لحظة شوي لأحكي هون ، السلام عليكم .
الشيخ : وعليكم السلام .
السائل : الله يعطيك العافية .
الشيخ : الله يعافيك .
السائل : حضرتك الشيخ ؟
الشيخ : إي نعم .
السائل : رأيت رؤيا يا شيخ وخايفة منها كثير ، حكيتها قدام جماعة أعطوني عنوانك مشان أقول لك إياها إذا ما فيش عندك مانع .
الشيخ : أولا .
السائل : تفضل .
الشيخ : أنا لست مؤول ومفسر منامات ، ثانيا : نحن بننصح كل شخص مسلم يرى رؤيا تزعجه ولا تعجبه أن يتأدب بأدب الإسلام
السائل : أيوا
الشيخ : وهو : إنو إذا رأى ما يكره أولا : ما يحدث بما رأى أحدا من الناس إطلاقا ، فهمت ؟
السائل : نعم نعم ، معك.
الشيخ : هاي أول شيء ، ثاني شيء : مجرد ما يستيقظ أو يتذكر المنام يلتفت يساره ويتفل ثلاثة مرات
السائل : أيوا
الشيخ : تعرفي التفل ؟
السائل : بعرف بعرف عارفة كل اللي قلته .
الشيخ : ما دام عارفة لا تكلفي حالك !
السائل : مو هيك يا شيخ !
الشيخ : لا تكلفي حالك مين يفسر لك منامك .
السائل : لأني أنا شفتو فسروا لي ناس كويس .
الشيخ : أنا عم أقول لك : لا تكلفي حالك حدا يفسر لك إياه .
السائل : بيقو للك اللي بيشوف الرؤيا وبيسمعها زي ما بتقول : في بعض فسروا لي مليحة وفي وحدة فسرت لي إياها وخوفتني منها كثير فعشان هيك .
الشيخ : فهمت عليي ؟
السائل : فهمنا عليك .
الشيخ : قبلت نصيحتي والسلام عليكم .
السائل : ما بتقدر لو قلت لك : إياها ؟
الشيخ : إقبلي نصيحتي ، والسلام عليكم .
السائل : وعليكم السلام .