حصل نقاش بيني وبين زوجتي فغضبت غضباً شديداً وطلقتها ثم ندمت , فما هو حكم الشرع في ذلك ؟ حفظ
الشيخ : وعليكم السلام
السائل : الشيخ ناصر بالله موجود
الشيخ : هو معك
السائل : طيب السلام عليكم
الشيخ : وعليكم السلام
السائل : بدي أسألك بالله سؤال يا شيخ
الشيخ : تفضل
السائل : إذا واحد ... في حالة غضب وبعد ما رمى الثلاث يعني ضرب يده على رأسه مش عارف شو بدو يعمل فشو رأي الشرع ؟
الشيخ : بدنا نسمع من صاحب القضية
السائل : أنا صاحب القضية
الشيخ : أنت صاحب القضية
السائل : نعم
الشيخ : احكي تفاصيل
السائل : التفاصيل كنا نتناقش في ساعة غضب يعني غضب شديد ومع العلم أن أنا واقع تحت ضغطات ... من ناحية الشغل ومن ناحية البيت ... فأثناء النقاش ما شفت حالي إلا وأنا حاكي هالكلمة هذه
الشيخ : متى حكيت هذه الكلمة ؟
السائل : هاه
الشيخ : متى حكيت هذه الكلمة ؟
السائل : اليوم يعني أي يوم
الشيخ : من كم يوم ؟
السائل : يوم يوم الجمعة
الشيخ : من يوم الجمعة راح يصير لك أسبوع
السائل : يعني أنا خلال هذه المدة هاي كان أخي يتصل بالشيوخ الي بيعرفهم يعني كنت في نفس اليوم أنا حاكي لأخوي على أساس أنه يجيب لي أكبر معلومات عن الشغلة هاي لأن في نفس الوقت أنا كان بدي اياه
الشيخ : طيب وبعدين شو جاب لك معلومات أخوك
السائل : والله يعني الكل كان يحكي إنو لازم صاحب العلاقة يعني
الشيخ : إي
السائل : في أيام كان يقول لي ... وعدني بكرة بجيب لي الجواب ... وجبت أرقام تلفونات الشيوخ منهم أنت وأول واحد بحكي معه أنت ، يعني الاثنين متعلقين ببعض
الشيخ : يعني ما أخرجت فتوى بعد
السائل : لا والله يلا شيخ ، كيف الطريقة ، كيف شو الطريقة الي بدي أتبعها
الشيخ : من متى أنت متزوج ؟
السائل : من سنة وشهرين
الشيخ : أديش عمرك ؟
السائل : واحد وثلاثين
الشيخ : وقع منك طلاق قبل هذه المرة ؟
السائل : لا أبداً
الشيخ : ما وقع
السائل : أبداً ولا كنت أفكر فيه ولا في يوم من الأيام أني أتلفظ به
الشيخ : طيب ، من كان حاضر لما طلقت ؟
السائل : والله ما في غير أنا وهي
الشيخ : ها
السائل : فش غير أنا واياها
الشيخ : بس
السائل : بس
الشيخ : طيب أنت ملتزم بأحكام الشرع ؟
السائل : إن شاء الله
الشيخ : وهي ؟
السائل : وهي كمان
الشيخ : طيب هي بتشهد بأنك كنت غضبان
السائل : نعم
الشيخ : هي بجنبك ؟
السائل : لا والله هي بالبيت الثاني
الشيخ : ليش كم بيت أنت عندك ؟
السائل : لا يعني في البيت عند دار أهلي يعني في غرفة ثانية إذا بدك أجيب لك إياها تحكي معها
الشيخ : بدي بس أسمع شهادتها
السائل : شهادتها هي ؟
الشيخ : إي
السائل : طيب تستناني بس شوي يا شيخ
الشيخ : يعني بعيد ؟
السائل : ها
الشيخ : بعيد
السائل : لا دقيقتين
الشيخ : يلا ، طيب
السائلة : ألو
الشيخ : السلام عليكم
السائلة : وعليكم السلام
الشيخ : أنت بتشهدي بالنسبة لزوجك أنه لما وقع الطلاق منه كان منرفز وغضبان ؟
السائلة : آه كتير كان منرفز
الشيخ : طيب ويعني المسألة هنا فيها حلال وحرام فشهادتك لازم تكون مطابقة للواقع فأكيد هو كان منرفز وغضبان
السائلة : آه شي طبيعي لأن كنا نحكي بشغلة وهاي الشغلة بتنرفزني أنا عشان هيك كان كتير يعني زعلان وكان هو جاي من الشغل يعني متنكد وزعلان فيعني فتحنا السيرة هاي فزاد الزعل وعشان هيك يعني
الشيخ : طيب عطيني اياه
السائلة : طيب ماشي
السائل : السلام عليكم
الشيخ : وعليكم السلام ، أنت أبو إيش بقولوا لك
السائل : والله لسا يا شيخ
الشيخ : الله يهديك
السائل : آمين
الشيخ : ما بتعرف أن السنة واحد يكتني ولو ما كان متزوج
السائل : والله أنا مكتني ، أبو قيس
الشيخ : لكان ليش عمبتقول لسا ، الله يهديك
السائل : إن شاء الله ربنا
الشيخ : أبو قيس يا أبو قيس أنا بدي أنصحك
السائل : تفضل شيخ
الشيخ : بقولوا بالأمثال العامية : " مو كل مرة بتسلم الجرة "
السائل : مضبوط
الشيخ : لذلك بنصحك أنك ما تنرفز ولا تغضب لأن كثير علماء ومشايخ إذا سمعوا من واحد أنه طلق زوجته ولو كان في حالة الغضب ما بيسمعوا له وبفرقوا بينه وبين زوجته
السائل : صحيح أنا حتى يا شيخ بلا قطعان لحديث يعني الكلمة هاي مبحبهاش ولعمري حلفت فيها
الشيخ : المهم أنا عمأنصحك اقبل نصيحتي
السائل : إن شاء الله
الشيخ : لا تغضب من زوجتك ولا على زوجتك واحفظ املك أعصابك لأن الرسول عليه الصلاة والسلام يقول : ( لما جاءه رجل يسأله النصيحة ، عليه الصلاة والسلام لا تغضب ) عرفت ؟
السائل : نعم
الشيخ : لا تغضب هذه نصيحتي لك بين يدي الفتوى ، والفتوى ما في طلاق بينك وبين زوجتك والحمد لله
السائل : إن شاء الله هي على كل حال بدها تحكي معك يا شيخ
الشيخ : خير إن شاء الله
السائل : الشيخ ناصر بالله موجود
الشيخ : هو معك
السائل : طيب السلام عليكم
الشيخ : وعليكم السلام
السائل : بدي أسألك بالله سؤال يا شيخ
الشيخ : تفضل
السائل : إذا واحد ... في حالة غضب وبعد ما رمى الثلاث يعني ضرب يده على رأسه مش عارف شو بدو يعمل فشو رأي الشرع ؟
الشيخ : بدنا نسمع من صاحب القضية
السائل : أنا صاحب القضية
الشيخ : أنت صاحب القضية
السائل : نعم
الشيخ : احكي تفاصيل
السائل : التفاصيل كنا نتناقش في ساعة غضب يعني غضب شديد ومع العلم أن أنا واقع تحت ضغطات ... من ناحية الشغل ومن ناحية البيت ... فأثناء النقاش ما شفت حالي إلا وأنا حاكي هالكلمة هذه
الشيخ : متى حكيت هذه الكلمة ؟
السائل : هاه
الشيخ : متى حكيت هذه الكلمة ؟
السائل : اليوم يعني أي يوم
الشيخ : من كم يوم ؟
السائل : يوم يوم الجمعة
الشيخ : من يوم الجمعة راح يصير لك أسبوع
السائل : يعني أنا خلال هذه المدة هاي كان أخي يتصل بالشيوخ الي بيعرفهم يعني كنت في نفس اليوم أنا حاكي لأخوي على أساس أنه يجيب لي أكبر معلومات عن الشغلة هاي لأن في نفس الوقت أنا كان بدي اياه
الشيخ : طيب وبعدين شو جاب لك معلومات أخوك
السائل : والله يعني الكل كان يحكي إنو لازم صاحب العلاقة يعني
الشيخ : إي
السائل : في أيام كان يقول لي ... وعدني بكرة بجيب لي الجواب ... وجبت أرقام تلفونات الشيوخ منهم أنت وأول واحد بحكي معه أنت ، يعني الاثنين متعلقين ببعض
الشيخ : يعني ما أخرجت فتوى بعد
السائل : لا والله يلا شيخ ، كيف الطريقة ، كيف شو الطريقة الي بدي أتبعها
الشيخ : من متى أنت متزوج ؟
السائل : من سنة وشهرين
الشيخ : أديش عمرك ؟
السائل : واحد وثلاثين
الشيخ : وقع منك طلاق قبل هذه المرة ؟
السائل : لا أبداً
الشيخ : ما وقع
السائل : أبداً ولا كنت أفكر فيه ولا في يوم من الأيام أني أتلفظ به
الشيخ : طيب ، من كان حاضر لما طلقت ؟
السائل : والله ما في غير أنا وهي
الشيخ : ها
السائل : فش غير أنا واياها
الشيخ : بس
السائل : بس
الشيخ : طيب أنت ملتزم بأحكام الشرع ؟
السائل : إن شاء الله
الشيخ : وهي ؟
السائل : وهي كمان
الشيخ : طيب هي بتشهد بأنك كنت غضبان
السائل : نعم
الشيخ : هي بجنبك ؟
السائل : لا والله هي بالبيت الثاني
الشيخ : ليش كم بيت أنت عندك ؟
السائل : لا يعني في البيت عند دار أهلي يعني في غرفة ثانية إذا بدك أجيب لك إياها تحكي معها
الشيخ : بدي بس أسمع شهادتها
السائل : شهادتها هي ؟
الشيخ : إي
السائل : طيب تستناني بس شوي يا شيخ
الشيخ : يعني بعيد ؟
السائل : ها
الشيخ : بعيد
السائل : لا دقيقتين
الشيخ : يلا ، طيب
السائلة : ألو
الشيخ : السلام عليكم
السائلة : وعليكم السلام
الشيخ : أنت بتشهدي بالنسبة لزوجك أنه لما وقع الطلاق منه كان منرفز وغضبان ؟
السائلة : آه كتير كان منرفز
الشيخ : طيب ويعني المسألة هنا فيها حلال وحرام فشهادتك لازم تكون مطابقة للواقع فأكيد هو كان منرفز وغضبان
السائلة : آه شي طبيعي لأن كنا نحكي بشغلة وهاي الشغلة بتنرفزني أنا عشان هيك كان كتير يعني زعلان وكان هو جاي من الشغل يعني متنكد وزعلان فيعني فتحنا السيرة هاي فزاد الزعل وعشان هيك يعني
الشيخ : طيب عطيني اياه
السائلة : طيب ماشي
السائل : السلام عليكم
الشيخ : وعليكم السلام ، أنت أبو إيش بقولوا لك
السائل : والله لسا يا شيخ
الشيخ : الله يهديك
السائل : آمين
الشيخ : ما بتعرف أن السنة واحد يكتني ولو ما كان متزوج
السائل : والله أنا مكتني ، أبو قيس
الشيخ : لكان ليش عمبتقول لسا ، الله يهديك
السائل : إن شاء الله ربنا
الشيخ : أبو قيس يا أبو قيس أنا بدي أنصحك
السائل : تفضل شيخ
الشيخ : بقولوا بالأمثال العامية : " مو كل مرة بتسلم الجرة "
السائل : مضبوط
الشيخ : لذلك بنصحك أنك ما تنرفز ولا تغضب لأن كثير علماء ومشايخ إذا سمعوا من واحد أنه طلق زوجته ولو كان في حالة الغضب ما بيسمعوا له وبفرقوا بينه وبين زوجته
السائل : صحيح أنا حتى يا شيخ بلا قطعان لحديث يعني الكلمة هاي مبحبهاش ولعمري حلفت فيها
الشيخ : المهم أنا عمأنصحك اقبل نصيحتي
السائل : إن شاء الله
الشيخ : لا تغضب من زوجتك ولا على زوجتك واحفظ املك أعصابك لأن الرسول عليه الصلاة والسلام يقول : ( لما جاءه رجل يسأله النصيحة ، عليه الصلاة والسلام لا تغضب ) عرفت ؟
السائل : نعم
الشيخ : لا تغضب هذه نصيحتي لك بين يدي الفتوى ، والفتوى ما في طلاق بينك وبين زوجتك والحمد لله
السائل : إن شاء الله هي على كل حال بدها تحكي معك يا شيخ
الشيخ : خير إن شاء الله